Nord-Europas høgastliggjande forlag (850 moh)

I ei tid dominert av Oslo og Brussel og Washington vil
Boksmia gi rom for andre røyster og få fram noko av kulturen, historia og tenkinga til småkårsfolk og utkantfolk rundt om i landet.

I 2007 gav forlaget ut novellesamlinga Eg gjekk upp Karl Johan av småbrukar, hovslagar og skribent Arne Horge, kjend forteljekustnar frå mange aviser og blad. Boka  I en skreppekars fotspor er eit utval frå skriftene til skreppekar og skribent Halvor Asbjørnsen (1845-1925), redigert av lokalhistorikar Ragnar Moen frå Notodden. Den tredje boka dette året var seniorkonsulent Aksel Nærstads En annen verden – hvordan?, ei krass skildring av vår skakk-køyrde verd, men også med vegar ut or uføret.

Til no har forlaget gitt ut 23 bøker, romanar, ei diktsamling og bøker om historie, språk, miljø og bygdeforhold. Boksmia har satsa på ein nasjonal marknad og ikkje berre på lokale bøker. I alt er det desse ti åra selt mellom 20 000 og 25 000 bøker frå låven på geitebruket i Vats. Tre romanar og ei ungdomsbok er oppkjøpte av Norsk Kulturråd.

Dei nyaste bøkene handlar om stølsliv, steinbuer og snaufjell, og om toraderspelemannen Oddemann Haugen. Den første er skriven av Olav Randen og fotografert av Bård Svardal. Biografien om Oddemann er skriven av Øystein Molstad Andresen.

Boksmia held til i ein låve på eit geitebruk i Vats i Hallingdal. Frå starten i 1997 har forlaget gitt ut 20 bøker og selt rundt 20 000 bøker. Bøkene får du kjøpt direkte frå forlaget eller i bokhandelen.

Olav Randen – geitebonde og forleggjar.